الحياة مع شخص اخر

كنا بنقول ايه بقا ايوه الخضة و عدم التعود على الحياة مع شخص اخر في نفس نطاق الدائرة الواحدة الضيقة
بعد كده تبدا مرحلة جديدة اختلاف انماط الشخصيات و طرق التعايش لكل انسان مهما كانت الشخصيات متقاربة و عصافير الحب و الاعجاب بتصوصو فوق راسهم هيه ليها عادات في الاستيقاظ و طقوس الصباح و هو كذلك اول الايام تظهر على استحياء ( الاختلافات) و بالتالي بعد برقع الحياء ما يقع يبدا صراع الجبابرة مين اللي هيفرض نمط عيشة انا و زوجي حلينا المشكله بالاحترام ايوه بالاحترام كل واحد يحترم عادات الاخر و يحترم اذا كانت بعض عاداتك تضايق الاخر تحاول تبطلها مثلا النوم و التلفزيون شغال فيه ناس مش بتعرف تنام الا و فيه صوت شغال جنبها و فيه ناس مش بتعرف تنام الا و الدنيا هس خالص و فيه ناس بتحب الاوضة تبقى كحل و ناس تحب تولع النور و هيه نايمة ...
عادات مش اكثر وزي ما اتعودنا عليها ممكن نبطكلها و ده اول اثبات للحب و التفاهم بيعدي على الحبيبة و الازواج الجدد
اتمنى ان كل الناس تحب و تتجوز و اهم من كده هنتعامل ازاي بعد ما نتجوز صح و لا ....

لماذا ترفض كثير من البنات الجواز؟

المشكلة ليست في العنوسة اي ان البنات مش بيجلها عريس المشكلة ان البنات بيجلها عرسان كثير و بترفض و انا كنت من البنات دول قبل ما اتجوز ايه السبب معظم البنات بتقول ان العرسان اللي بيجوا بصراحة عندهم اعاقات نفسية كثيرة المشكلة يا حضرات في معظم الاحيان ليست ليس مادية انها الامراض النفسية المستطونة في كل طرف من الطرفين المشكلة ان البنات خرجت للدنيا قابلت انماط بشرية متعددة كونت لديها مخزون من العقد لاباس به و الشاب المرووش عفوا الروش الامور ايضا قد مر بعدة ارهاصات قلبية متعددة و بنى من خلال المخزون المجتمعي من افكار و اتردم عليها التراب بسة لسة جواه و الفريدم او الحرية و المرجلة حاسين ان الكلام فيه مهرجان ايوه ده مقصود داخل كل واحد فينا مهرجان بس المشكلة عند الرجالة كبيرة قوي هو مفهوم الرجولة نفسة يعني ايه كلمة راجل عند البنت او الست ليها معنى بتدور هية علية و عند الراجل فيه معنى بيحاول هو يرسمة المجتمع فارض عليه مسمى اصحابه و اهله و اللي جواه و قناعاته مش متفقين